Вежбајте за
да не чувствувате
болка

Сè повеќе и повеќе се придава важност на водење активен животен стил. Дури и оние кој не вежбале редовно, се поттикнати да бидат поактивни. Многу луѓе, по таква долга пауза имаат тенденција прекумерно да вежбаат и како последица на тоа да се појави мускулна болка.

Мускулната болка е нормална реакција по преголем напор. Се појавува 12 до 48 часа по напорно вежбање и спонтано исчезнува од 3 до 7 дена. Доколку се појави по нова активност или напор, не претставува никаков сериозен проблем.

Механизмот на нејзиното потекло сè уште не е целосно познат. Една од теориите се однесува на малите мускулни лезии. Најдобро е да се избегнат ваквите лезии и да се вежба минимално за да не се чувствува болка следниот ден.

За да се спречи болка во мускулите, пред вежбање треба да се истегнете и загреете. По главниот дел од вежбата се препорачува да се прават вежби за ладење со максимален интензитет од 30-50%. Ова ќе ги регенерира мускулите, додека истегнувањето ќе ја намали можноста за сериозна болка речиси до минимум.

Доколку подолго време не сте биле физички активни, со вежбите започнете постепено, на тој начин ќе избегнете болка и повреда. Интензитетот на тренингот треба да има умерен тек. Започнете со 20 минутен тренинг, а потоа продолжете со тренинг до 45 минути, со фреквенција од најмалку 3 пати неделно, или дури и подолго и почесто. Во исто време, постепено зголемувајте го интензитетот. Избегнете повреда и болка. Претходно зајакнете ги оние мускулни групи за кои знаете дека најмногу ќе бидат затегнати за време на вашиот тренинг. Пред да планинарите, зајакнете ги мускулите во прстите, зглобот, подлактицата и рамениот зглоб.

При болка во мускулите по напорен тренинг, се препорачуваат вежби со помал интензитет, истегнување и блага масажа. Во првите 2 дена по акутна повреда може да земате лекови кои имаат аналгетско и противвоспалително дејство. Такви лекови се, на пример, нестероидните анти-инфламаторни лекови.

Прочитајте исто така Зошто е важно навреме да ѝ кажете НЕ на болката

Ненадејна болка во мускулите - причина за загриженост

Чувство на горење во мускулите е знак за загриженост, бидејќи обично значи дека мускулот е оштетен. Во таков случај веднаш прекинете со тренингот. Овој тип на повреда е многу честа појава во спортот каде што има ненадејно забрзување и забавување, на пример кошарка, фудбал, одредени боречки вештини и слично. Доколку не прекинете веднаш откако се појавило чувство на горење, ризикувате дополнително да го оштетите мускулот. Сериозните повреди се многу непријатни, бидејќи за нив е потребно подолго време да се излечат. Освен тоа, оштетениот мускул никогаш не се враќа во својата првобитна состојба и секогаш може повторно да се повреди. Посетете лекар за да откриете што ја предизвикало повредата. Треба да бидете свесни дека секој тип на повреда бара одмор, што дополнително води до губење на мускулната маса и сила. Финалната фаза на рехабилитација е уште поважна, треба да биде соодветно водена и да има за цел да ја врати силата во мускулите која била изгубена.

Доколку имате долготрајна болка во мускулите, веднаш посетете лекар, бидејќи може да постојат и други фактори кои не се поврзани со физичката активност. Доколку болката во мускулите е предизвикана од вежбање и постојано се повторува, треба да разговарате со вашиот тренер како соодветно да ги правите движењата и да го прилагодите интензитетот на тренингот. Кога започнувате нова физичка активност, повикајте тренер, барем во почетната фаза, за да ве научи на вистинската техника. Ова ќе ја зголеми ефикасноста на тренингот и ќе го намали ризикот од повреда.

Прочитајте исто така Како да се ослободите од главоболка предизвикана од стрес?

Мускулната болка е нормална реакција по преголем напор. Се појавува 12 до 48 часа по напорно вежбање и спонтано исчезнува од 3 до 7 дена.

За да се спречи болка во мускулите, пред вежбање треба да се истегнете и загреете.